कुमाऊनी लोकगीत: उतरैणी कौतिक में ज्यूलो, हिट दे साई म्यर दगाड़

 उतरैणी कौतिक में ज्यूलो, हिट दे साई म्यर दगाड़,,,,,२

हो,,,,न्हीं औनूं भीना त्यर दगड़ा, लोग द्येखनी बात कराल,,,,२

हा,,, झोड़ा चांचरी खेलुलौ, हिट दे साई म्यर दगाड़,,,,२

हो,,,,बोज्यू द्येखला मैं'कै टोकला, न्हीं औनूं भीना त्यर दगड़ा,२

हा,,,,, फूना धमेली म्याल में ल्यूंला, हिट दे साई म्यर दगाड़,,,,२

हो,,,,,,ईजू द्येखली गाई करेली, न्हीं औनूं भीना त्यर दगाड़,,,,२

हो,,,,,उतरैणी कौतिक में ज्यूलो, हिट दे साई म्यर दगाड़,,,,,

हो,,,,,न्हीं औनूं भीना त्यर दगड़ा, लोग द्यैखनी बात कराल,,,,

हो,,,,,कान कनफूला म्यल में ल्यूंला, हिट दे साई म्यर दगाड़,,,,,२

हो,,,,,,दाज्यू द्यैखला रीस करैला, न्हीं औनूं भीना त्यर दगाड़,,,,,,२

हो,,,,,,नाख नथुनी म्याल में ल्यूंला, हिट दे साई म्यर दगाड़,,,,,२

हो,,,,,,दीदी द्यैखेली गाई करेली, न्हीं औनूं भीना त्यर दगाड़,,,,२

 हो,,,,,,उतरैणी कौतिक में ज्यूलो, हिट दे साई म्यर दगाड़,,,,,

हो,,,,,न्हीं औनूं भीना त्यर दगड़ा, लोग द्यैखनी बात कराल,,,,

(उत्तराखंड कुमाऊनी प्रचलित लोकगीत झोड़ा, संग्रह- १८)