पत्र लेखन: प्रधानमंत्री के नाम पत्र

माननीय प्रधानमंत्री महोदय,

प्रधानमन्त्री कार्यालय,
भारत सरकार, भारत।
नई दिल्ली।
दिनांक:,१५/०६/२०२०
विषय: देश कै कोरोना थै बच्यौण में सशक्त नेतृत्व' करणा'क ली बधाई पत्र।
माननीय महोदय,
कोरोनावायरस'ल आज सबै दुणी में आतंक फैले रखौ। भ्यार'क दैशों में जतुक लै शक्ति शाली देश छन, उन सबै देशों में यौ महामारी मौत'क कहर बरपौण लागि रौ।
कोरोना वायरस'क भारत में आते ही आपुल भौतें समझदारी'क फैसल ली छ। आपुल भारत में "जनता कर्फ्यू" और लाॅकडाउन  लगौण'क निर्णय ली बेर एक सुदृढ़ और कुशल नेतृत्व क परिचय दी छ; यौ महामारी'ल थै लड़न में हमर देश' क कर्मवीरों'ल आपुण- आपुण क्षेत्र में सराहनीय योगदान दी छ। यदि हम अपुण देश'क दूसर पहलू आर्थिक परिस्थितियों कै देखनू त यौ बात सांचि छिय, कि लाॅकडाउन में हमरी देश' क आर्थिक परिस्थिति भौत खराब ह्वैगे। यौ टैम में सबु ह्वै खराब हाल गरीब और असहाय मनखियां'क ह्वैरी। आपुल यौ कठिन टैम में गरीब और असहाय मनखियां कै आर्थिक मदद दीणा'क ली सकर योजना शुरू कर ह्वैली; इन योजनाओं कै शुरू कर बैर आपुल भौतै भल और शाबाशी काम कर रौछ।
आपुल हमर देश ली जतुक लै निर्णय ल्ही छन; सबै निर्णय हमर देश'क हित में छन। आघिन कै जो लै निर्णय ल्यौला, उ निर्णय हम सबै देशवासियों'क हित में ही ह्वौल।
मैं भगवान कै धन्यवाद दिणू, जिनूल यौ मुश्किल'क टैम में हमरी देश'क बागडोर आपु हाथों में सौंप रखौ छू। आपु कै कोटि-कोटि  प्रणाम और धन्यवाद।
भवदीया
नाम: मंजू बिष्ट।
गाजियाबाद, उत्तर प्रदेश।